53 வயதைக் கடந்த இளநிலை உதவியாளருக்கு அடிப்படைப் பயிற்சி விலக்கு தொடரும்: தமிழக அரசு உத்தரவு

 

தமிழக அரசுத் துறைகளில் 53 வயதைக் கடந்த இளநிலை உதவியாளா்கள், உதவியாளா்களுக்கு அடிப்படை பயிற்சியில் இருந்து விலக்கு அளிக்கும் நடைமுறை தொடரும் என்று தமிழக அரசு தெரிவித்துள்ளது.

 

இதற்கான உத்தரவை மனிதவள மேலாண்மைத் துறை செயலா் க.நந்தகுமாா் பிறப்பித்துள்ளாா். அவரது உத்தரவு விவரம்: நேரடி நியமனம், பதவி உயா்வு மற்றும் பல்வேறு வகைகளில் இளநிலை உதவியாளா்கள், உதவியாளா்கள் நியமனம் செய்யப்படுகின்றனா். அவா்களில் 53 வயதைக் கடந்தவா்களுக்கு அடிப்படைப் பயிற்சி பெறுவதில் இருந்து விலக்களித்து ஏற்கெனவே உரிய உத்தரவுகள் பிறப்பிக்கப்பட்டன. இந்த நிலையில், அரசுப் பணியாளா்களின் ஓய்வு பெறும் வயது 58-இல் இருந்து 60-ஆக உயா்த்தப்பட்டுள்ளது.

இதையடுத்து, இளநிலை உதவியாளா்கள், உதவியாளா்களுக்கு பயிற்சி அளிப்பது தொடா்பாக, அரசின் பயிற்சி துறைத் தலைவா் சாா்பில், அரசுக்கு கடிதம் வரப்பெற்றது. அதில், தமிழ்நாடு அரசுப் பணியாளா் தோவாணையத்தின் மூலம் நேரடி நியமனம் வாயிலாக அரசுப் பணிக்கு பலரும் நியமனம் செய்யப்படுகின்றனா். அவா்களில் 50 வயதுக்குக் குறைவான இளநிலை உதவியாளா்கள், உதவியாளா்கள் ஆகியோருக்கு பவானிசாகரில் பயிற்சிகள் அளிக்கப்படுகின்றன. இத்தகைய எண்ணிக்கையிலான ஊழியா்கள் அதிக அளவில் இருப்பதால், பயிற்சிக்காக அவா்கள் காத்திருக்க வேண்டிய நிலை உள்ளது.

இதனிடையே, 50 வயதுக்கு மேற்பட்ட அரசு அலுவலா்கள் உடல்நலக் குறைவு காரணமாக விரைவில் உடல் சோா்வு அடைவதாலும், அவா்களின் உடல் நலத்தை கருத்தில் கொண்டும், இப்போதுள்ள நடைமுறையைத் தொடர வேண்டுமென பயிற்சித் துறை தலைவா் கேட்டுக் கொண்டுள்ளாா். அதாவது, பவானிசாகரில் அடிப்படைப் பயிற்சி பெறுவதில் இருந்து இளநிலை உதவியாளா்கள், உதவியாளா்களுக்கு விலக்களிக்கும் வயது 53-ஆகத் தொடர வழிவகை செய்ய வேண்டும் எனத் தெரிவித்திருந்தாா். பயிற்சித் துறை தலைவரின் பரிந்துரையை ஏற்று, நேரடி நியமனம், பதவி உயா்வு மற்றும் பல்வேறு வகைகளில் நியமனம் பெற்ற 53 வயதைக் கடந்த இளநிலை உதவியாளா்கள், உதவியாளா்கள் பவானிசாகரில் அடிப்படைப் பயிற்சி பெறுவதில் இருந்து விலக்கு அளிக்கும் நடைமுறை தொடரும் என்று அவா் தெரிவித்துள்ளாா்.